काभ्रे ८ श्रावण ।
काभ्रेमा एक दलित परिवारलाई सार्वजनिक किरियापुत्री भवनमा किरिया बस्न नदिएको भन्दै दलित मुक्ति मोर्चा काभ्रेले आपत्ति जनाएको छ ।
पाँचखाल नगरपालिका ७ का वडा अध्यक्ष पुष्कर ढकालले सोही वडाका मृतक हर्कबहादुर परियारका छोराहरुलाई किरियापुत्री भवनमा किरिया बस्न नदिएपछि मोर्चाले बिरोध जनाएको हो ।
आज नेपाल कम्युनिस्ट पार्टी निकट दलित मुक्ति मोर्चा नेपाल जिल्ला समिति काभ्रेका अध्यक्ष रमेश नेपालीले प्रेसविज्ञप्ति जारी गर्दै उतm घटनाप्रति आपत्ति जनाउनु भएको छ ।
रमेशद्धारा जारी विज्ञप्तिमा भनिएको छ, ‘हजारौँ वर्षदेखि आर्थिक–समाजिक रूपमा पछाडि पारिएको दलित समुदाय अझै पनि छुवाछूतजस्तो सामाजिक अपराधलगायत विविधखाले भेदभावहरूबाट प्रताडित हुँदै आएको अवस्था छ ।’
उहाले भन्नुभएको छ ‘कथित संसदीय गणतन्त्रको संविधान, कम्युनिस्टहरूको महुमतको सरकार र समाजवाद उन्मुख आर्थिक–सामाजिक कार्यक्रमको नारा सामाजिक दलाल पुँजीवादीहरूको बकबास मात्र हो भन्ने पाँचखालको घटनाले पनि पुष्टि गरेको छ ।’
उक्त घटनाका दोषीमाथि कडाभन्दा कडा कारबाहीका लागि अधिकारकर्मी, पत्रकार र सम्बन्धित सङ्घसंस्थाहरूलाई पहल गरिदिन आग्रह गर्दै उहाले सिङ्गो दलित समुदायलाई प्रतिवादमा उत्रन अपिलसमेत गर्नुभएको छ । दोषीमाथि कारबाही नभए इँटको जबाफ पत्थरले दिने चेतावनी पनि उहाले विज्ञप्तिमार्फत दिनुभएको छ ।
