काठमाडौं, साउन ७ ।
चिकित्सा शिक्षा सुधारको माग राख्दै २४ दिनदेखि आमरण अनशनरत डा. गोविन्द केसीको स्वास्थ्य अवस्था अत्यन्तै जटिल बनेको छ । १५ औं अनशनमा रहेका केसीको यो अहिलेसम्मको लामो आमरण अनशन पनि हो ।
डा. केसीको स्वास्थ्य अवस्था अत्यन्त जटिल र यति लामो अनशन हुँदा पनि समस्या समाधानमा सरकारी पक्षले कुनै ठोस पहल थालेको छैन ।
सरकार मागप्रति संवेदनशील नभएको भन्दै डा. केसी पक्षले पूर्ण म्यान्डेडसहितको वार्ता टोली गठन गर्न सरकारसित माग गरिरहेको छ । हाल गठित वार्ता टोलीसँग डा. केसी पक्षले वार्ता गर्न अस्वीकार गरेको छ ।
त्यसले गर्दा डा केसीको अनशन अझै लम्बिने अवस्था छ । सरकारले संसद् स्थगित गरेर समाधान खोज्ने भनेपनि अझै केही पहल भएको छैन ।
सरकारले संसदमा लगेको विधेयक फिर्ता हुनुपर्ने माग राख्दै डा. केसीले गत असार १६ गते जुम्लाबाट अनसन सुरु गर्नु भएको थियो । केसीले संसदमा पेश गरिएको चिकित्सा शिक्षा विधेयक फिर्ता हुनुपर्ने माग राख्नु भएको छ ।
