भक्तपुर, ७ साउन ।
बि एण्ड सि टिचिङ अस्पतालका कार्यकारी निर्देशक दुर्गा प्रसाँईले बंगलादेशमा चिकित्सक अध्ययनमा गएका नेपाली चेलीको बिषयमा दिएको अभिब्यिक्तिको मूल मर्म तोडमोड गरी सामाजिक सञ्जालमा भाईरल बनाएको आरोप लगाउनुभएके छ ।
प्रसाँईले बोलेको भिडियो सामाजिक सञ्जालमा भाईरल भएसँगै चौतर्फि बिरोध हुन थालेपछि अन्तत प्रसाईले आफ्नो भनाईलाई नै तोडमोड गरेर बाहिर ल्याईएको आरोप लगाउनु भएको हो ।
रफत सञ्चार क्लबमा आयोजित साक्षात्कार कार्यक्रममा बोल्दै प्रसाँईले आफूले भन्न खोजेको बिषयलाई तोडमोड गरेर बिबादमा तान्न खोजिएको बताउँदै उक्त भनाईको आशय सामाजिक सञ्जालमा आएको जस्तो नभएको बताउनु भयो ।
तेह्र चौध महिना अघि एक कार्यक्रममा बंगलादेशमा अध्ययन गर्न जाने नेपाली चेलीहरुको अवस्था र उनीहरुको शोषणका बिषयमा दिएको अभिब्यक्तिलाई हाल आएर उक्त अभिब्यक्तिको मर्म तोडमोड गरि सामाजिक सञ्जालमा भाइरल बनाएको उहाँको आरोप छ ।
आफ्नो भनाई बंगालादेशमा अध्ययन गर्न जाने चेलीहरुलाई नेपालमै अध्ययनको वातावरण श्रृजना गर्न सके राम्रो रहने र त्यहाँ उनीहरुले बिभिन्न खालको शोषणको सामना गर्नु पर्ने अवस्थाको अन्त्य हुने रहेको भएपनि अर्कै आसयमा भाईरल बनाईएको प्रसाईको भनाई छ ।
बंगलादेशमा अध्ययन गर्न गएका चेलीका बिषयमा लिएर आफ्नो अभिब्यक्तिको मर्म सामाजिक सञ्जालमा आएको जस्तो नरहेको भन्दै उहाँले यसले पर्न गएको असर प्रति क्षमा मागेको बताउनु भयो ।
डा. गोबिन्द केसीको आन्दोलनका बारे आफूले बोल्नु पर्ने बिषय नभएको र सरकारले नै उहाँको माग सम्बोधन गर्ने वा के गर्ने भन्ने बिषय रहेको प्रसाईले बताउनु भयो ।
