२ श्रावण, ताप्लेजुङ । 

ताप्लेजुङ जिल्ला अदालतले आर्थिक वर्ष २०७४/०७५ को कुल ४०० मुद्धामध्ये ८०.५ प्रतिशत (३२२) मुद्धाको फैसला गरेको छ ।

बुधबार पत्रकारसँग कुरा गर्दै जिल्ला न्यायधिस कृपासुर कार्कीले यसवर्ष ४ सय मुद्धा मध्ये ३२२ मुद्धाको र्फछ्यौट गरिएको र ७८ मुद्धा बाँकी रहेको बताए । आर्थिक वर्ष २०७३/०७४ भन्दा १३ प्रातिशत बढि मुद्धा यस वर्ष फछ्र्यौट गरिएको हो । यस वर्ष नयाँ मुद्धा दर्ता २४५, अघिल्लो वर्षबाट जिम्मेवारी सरेका १४८, पुनरावेदनका मुद्धा ५, रिट निवेदन २ गरी जम्मा ४०० मुद्धा थिए । ‘बाँकी रहेका ७८ मुद्धालाई पनि छिटो फैसला गरिनेछ ।’ कार्कीको भनाई छ ।

मुद्धा हेर्ने कानुन ब्यबसायी र अवश्यक कागजात जुटाउनमा ढीलासुस्ती हुनु, मुद्धा फैसला गर्न ढीलाई हुनुका कारण हुन् । विभिन्न मुद्धाहरू प्राय थप कागजात नजुटाईएको र कानुन ब्यबसायीका कारण लम्बिने गरेकाे पाइएकाे छ।

ताप्लेजुङ जिल्ला अदालतको पछिल्लो तथ्याङ्क अनुसार, ताप्लेजुङमा सबैभन्दा बढि फौजदारी मुद्धा दर्ता भए । फौजदारी मुद्धा धेरै हुनु राम्रो संकेत नभएको जिल्ला न्ययधिक कार्कीको भनाई छ । यसवर्षको कुल मुद्धा ४०० मध्ये फौजदारी मुद्धा १९८ रहेका थिए । जसमध्ये १६५ मुद्धाको फैसला भईसकेका छन् ।

ताप्लेजुङ जिल्ला अदालतमा यसवर्ष फरक प्रकृतिका ३ ओटा मुद्धो पनि थिए । फरक प्रकृतिका मुद्धामा, पत्नी बिरुद्ध दायर भएको मुद्धा १, जातीय छुवाछुत मुद्धा १ र बैबाहिक बलात्कार मुद्धा १ रहेका छन् । यि तिनओटै मुद्धाको फैसला भईसकेका छन् ।