२८ असार, काठमाडौं । सत्तारूढ दलका सांसदले सामाजिक सन्जालमा पानी जहाजकाे कुरा गर्नेलाइ कार्वाहि गर्न माग गरेका छन् ।
नेपाल कम्युनिस्ट पार्टीका सांसद महेश बस्नेतले सामाजिक सञ्जालमा फोटो हालेर पानी जहाजको कुरा गर्नेलाई साइबर क्राइम अन्तर्गत कारबाही गर्न माग गरेका हुन् ।
बाढीको फोटो हालेर पानी जहाजको कुरा गरेर मानवीय संवेदनामाथि खेलवाड गर्नेलाई कडा कारबाही गर्नुपर्ने उनकाे भनाइ छ ।
संसदमा विशेष समयमा बोल्दै बस्नेतले भक्तपुरमा सडकमा बाढी आएको फोटो हालेर पानी जहाजको कुरा गरेर मानवीय संवेदनामाथि खेल्ने काम भएकोले सञ्चार मन्त्रालयले कार्बवाहि गर्नुपर्ने बताए ।
कतिपय मान्छे सामाजिक सञ्जालमा फोटो खिचेर पानीजहाज आएछ भनेर उडाइरहेका छन्’ उनले भने यो संवेदनामा खेलेर पानीजहाजको वाहियात कुरा गर्नेलाई कारबाही गर्नुपर्छ । साइबर क्राइमलाई कडा ढंगले लागू गर्नैैपर्छ ।’
यसवर्ष भक्तपुर निकै पीडामा रहेको भन्दै उनले हप्तामा एक दुई पटक टि्रपरको ठक्करबाट ज्यान जाने र बाढी आउने गरेको बारे सरकारको ध्यानाकर्षण गराएका थिए ।
