धनगढी । अनेरास्ववियु (क्रान्तिकारी)का सह–संयोजक रमेश साउँदलाई प्रहरीले गिरफ्तार गरेको छ ।
नेपाल कम्युनिस्ट पार्टी निकट अखिल क्रान्तिकारीका कैलाली जिल्ला सह–संयोजक साउदलाई प्रहरीले सोमबार धनगढी बजारबाट गिरफ्तार गरेको हो । संगठनका संयोजक बबरजंग सिंहले मंगलबार एक विज्ञप्ति जारी गरेर संगठनको जिल्ला सम्मेलनको तयारीकै क्रममा साउदलाई प्रहरीले विना कारण गिरफ्तार गरेको बताएका छन् ।
“२० जिल्ला सम्मेलनको तयारीमा जुटिरहेको बेला दलाल सरकारले असार २५ गते साँझ धनगढी बजारमा हिँडिरहेको अवस्थामा संगठनका २० औँं जिल्ला सम्मेलन आयोजक समितिका सह–संयोजक कमरेड रमेश साउँदलाई विना कारण गरिफ्तार गरिएकोप्रति गम्भीर आपत्ति जनाउँदै रिहाईको माग गर्दछौँँ” संयोजक सिंहले जारी गरेको विज्ञप्तिमा भनिएको छ ।
संयोजक सिंहले विज्ञप्तिमा रिहा नगरे संघर्षका कार्यक्रम घोषणा गर्न बाध्य हुने चेतावनी दिएका छन् ।
