२३ असार, सुर्खेत ।
नेपाल कम्युनिस्ट पार्टीले कर्णाली बन्दको घोषण गरेको छ । शान्तिपूर्ण कार्यक्रममाथि प्रहरीले हस्तक्षेप गरेर नेता–कार्यकर्ता गिरफ्तार गरेको विरोधमा यही असार २५ गते कर्णाली बन्दको घोषणा गरेको हो ।
पार्टीका कर्णाली ब्यूरो इन्चार्ज एटम बिसीले विज्ञप्ति जारी गरेर शुक्रबार मुगुको गमगढीमा सामाना साँस्कृतिक परिवारको शान्तिपूर्ण कार्यक्रममाथि हस्तक्षेप गरेर नेता कार्यकर्ता गिरफ्तार गरेको भन्दै बन्दको घोषणा गरेका छन् । पार्टीको ‘एकीकृत जनजागरण अभियान’ को सिलसिलमा आयोजना गरिएको कार्यक्रममाथि प्रहरीले हस्तक्षेप गरेको भन्दै बिसीले आपत्ति पनि जनाएका छन् ।
शान्तिपूर्ण कार्यत्रम गर्न समेत नदिएर सरकारले फासिवादी हरकत गरेको भन्दै त्यसको विरुद्ध बन्दको आह्वा नगरेको इन्चार्ज बिसीले बताएका छन् । साँस्कृतिक कार्यक्रम चलिरहेको बेला प्रहरीले हवाई फायर गर्नुको साथै अश्रुग्याँस प्रहार गरेको बिसीले बताए । प्रहरीले पार्टीका मुगु इन्चार्जसहित आधा दर्जन नेता–कार्यकर्तालाई गिरफ्तार गरेको छ ।
नेकपाको कर्णाली ब्यूरो घोषणा गरेको कार्यक्रमअनुसार शनिबार विरोध प्रदर्शन, आइतबार मशाल जुलुस र २५ गते कर्णालीका पाँच जिल्ला बन्दको गरिनेछ ।
जसअन्तर्गत आज कर्णाली क्षेत्रभर बिरोध प्रदर्शन र भोली असार २४ गते कर्णालीका सबै जिल्लामा मसाल जुलुस प्रदर्शन गर्ने र असार २५ गते सोमबार कर्णाली बन्द गर्ने रहेको छ ।
