जाजरकोट, २३ असार ।
भेरी नगरपालिका–३ र ४ मा पर्ने खलंगा बजारका न्यूरोड, शान्तिचौतारा, सिमलगैरी, थाप्ले र याला पहिराको उच्च जोखिममा छन् ।
शान्तिचौतारादेखि थाप्लेसम्मका सडक किनारामा रहेका तीन दर्जन घर जोखिममा परेका हुन् । उक्त स्थानमा सवारी आवागमनमा रोक लगाइएको छ ।
मापदण्डअनुसार सडक निर्माण तथा ढल निकासको व्यवस्थापन नहुँदा बजारभित्र ठूलो पहिरो जानाका साथै दर्जन स्थानमा सडक भासिएको छ ।
तत्काल पहिरो रोकथाम र ढल निकासको व्यवस्था नगरे बस्ती नै बग्ने खतरा रहेको स्थानीयवासी बताउछन् ।
भिरालो भूबनोटको खलंगामा अव्यवस्थित सडक निर्माणले जोखिम बढाएको स्थानीयवासीको गुनासो छ ।
रुपैडिहादेखि तेन्जे भेरी करिडोरको बाइपासका रूपमा रहेको शान्तिचौतारा–कालेगाउँ सडक स्तरोन्नतिका क्रममा ग्याभिन र नाली निर्माणलगायत काम गुणःतरीय नभएको उनीहरूको भनाइ छ ।
सडक निर्माणका क्रममा न्यूरोड सबैभन्दा बढी जोखिममा परेको छ । सडक डिभिजन कार्यालय चौरजहारीले खलंगा–रिम्ना सडक ःतरोन्नतिका लागि गतिलो डिजाइन नबनाउँदा र गुणस्तरीय निर्माणमा ध्यान नदिँदा ठाउँठाउँमा पहिराको जोखिम बढेको भेरी नगरपालिका–३ का वडाध्यक्ष लीलाबहादुर शाहले बताउनुभयो ।
