मोरङ, असार १८ ।
केही दिनयताको वर्षाका कारण मोरङका दर्जनभन्दा बढी गाउँ जलमग्न बनेका छन् ।

बक्राहा, रतुवा, लोहन्द्रा, चिसाङ, सिंगिया, केसलियालगायत खोलाका कारण आसपास क्षेत्रका गाउँ बस्ती जोखिममा परेका हुन् । नदिमा पानीको बहाव बढेसँगै गाउँहरु बाढीको उच्च जोखिममा देखिएका छन् ।

सम्भावित जोखिमस्थलहरुमा तत्काल सचेतनामूलक कार्यक्रम गर्नुका साथै सतर्कता र उद्धारको पूर्वतयारी आवश्यक रहेको रेडक्रस सोसाइटीले जनाएको छ ।

बक्राहा खोलामा आएको बाढीका कारण आसपासका मधुमल्ला, गोविन्दपुर, इटहरा, बरडंगा, हसन्दहलगायत गाउँबस्ती जलमग्न हुन थालेका छन् ।

यसैगरी रतुवा खोलाका कारण सिजुवा, महादेवालगायत गाउँ प्रभावित बनेका छन् । गत वर्षको बाढीमा ती गाउँका हजारौं बासिन्दा डुबानमा परेका थिए । दर्जनभन्दा बढीको डुबेर मृत्यु भएको थियो ।

पश्चिमी वायुका प्रभावले केही स्थानमा वर्षा र हिमपातको सम्भावना

पश्चिमी वायुको आंशिक प्रभाव, हिमाली क्षेत्रमा वर्षा र हिमपातको सम्भावना

गोरखाको धार्चेमा भीषण सुक्खा पहिरो: बुढीगण्डकी नदी किनारको बाटो अवरुद्ध

बन्दीपुरमा ६७ फिट अग्लो राष्ट्रिय झण्डासहितको पार्क निर्माण हुँदै

‘हिमाली उत्थानशीलताका लागि अनुदानमा आधारित जलवायु वित्त र स्थानीय नेतृत्व आवश्यक’

भीमफेदी दुर्घटना छानबिन गर्न समिति गठन