१६ असार, काठमाडौं । नेपाल र भारत प्रबुद्ध समूह (ईपीजी) ले साझा प्रतिवेदन तयार गरेकेा छ । १९५० को पुनरावलोकनका लागि सुझाव दिन बनेको ईपीजीको अाज सम्पन्न बैठकले प्रतिवेदनमा सहमति जुटाएको हो ।
ईजीपीको काम सफलतापूर्वक सम्पन्न भएको जानकारी दिदै सदस्य निलाम्बर आचार्यले अब दुवै देशका प्रधानमन्त्रीलाई प्रतिवेदन बुझाइने जानकारी दिनुभयाे । १९५० को सन्धी पुनरावलोकन गर्न भारत तयार भएपनि विषयबस्तुहरु बाहिर आएको छैन ।
दुबै देशका प्रधानमन्त्रीलाई प्रतिवेदन बुझाएपछि मात्र विषयवस्तुहरु बाहिर आउने प्रबुद्ध समूह सदस्यहरुले बताएका छन् । ‘नेपालले जति पनि प्रश्न उठाएको छ, त्यसमा छलफल भएको छ’ समूहका सदस्य महेन्द्र पी लामाले भन्नुभयाे ।
प्रबुद्ध समूहका सदस्यहरुले रिपोर्टमा दिएको सुझावहरु कार्यान्वयन हुने विश्वास व्यक्त गरेका छन् । ‘विगतमा के भयो, छाड्नुस् । अहिले भारत नेपाल सम्वन्धमा निकै न्यानोपन आएको छ’ लामा भन्छन्, ‘अब धेरै कुरा अगाडि बढ्नेछ ।’
