१३ असार,काठमाडौँ । पत्रकार ऋषी धमलाकी पत्नी एलिजा गौतम मोटरसाईकल दुर्घटनामा परी गम्भीर घाइते भएकी छन् ।
लाजिम्पाटस्थित घर जाने क्रममा मोटरसाईकल दुर्घटनामा परी एलिजा गम्भीर घाइते भएकी र अहिले काठमाडौं ग्राण्डी अस्पतालमा उपचार भइरहेकेा एलिजाका भाई सुजन आचार्यले बताएका छन् ।
सुजनले चलाएको मोटरसाइलक दुर्घटना भएको थियो । बाटो काट्न लागेको गाईलाई जोगाउँदा मोटरसाइलकको ब्रेक फेल भएर दुर्घटना भएको सुजनले सामाजिक संजालमा लेखेका छन् । उनले ठूलो दुर्घटनाबाट बच्न आफू र एजिला सफल भएको बताएका छन् ।
“ठूलो दुर्घटना बाट बाच्न सफल भयौ, हामि म र एलिजा दि” सुजनले लेखेका छन् ।
एजिलाको उपचार काठमाडौं ग्राण्डी अस्पतालमा भइरहेको जानकारी दिएका छन् । पत्रकार ऋषी धमलाले एलिजा सवार मोटरसाइकल दुर्घटनामा परेको पुष्टि गरेका छन् ।
दुर्घटनामा परी घाइते भएकी एलिजाको स्वास्थ्यमा सुधार भइरहेको बताइएको छ । पती धमलासँगै परिवारका सदस्य अस्पताल पुगेका छन् ।
-फोटो सुजनको फेसबुक
