१३ असार,काठमाडौँ । झारखण्ड र छत्तिसगढ राज्यको सीमामा पर्ने बुरा पहार क्षेत्रको गह्र्वा तुमेर गाउँमा भारतीय कम्युनिस्ट पार्टी (माओवादी) का छापामारको एम्बुसमा परी भारतीय सेनाका ६ जनाको मृत्यु भएको छ ।
एम्बुसमा परेर दर्जनौं घाइते भएका छन् । मृत्यु हुनेमा अपरेसनको लागि तालिम प्राप्त कमाण्डर रहेको भारतीय संचारमाध्यमहरुले जनाएका छन् ।
गाउँमा माओवादी खोज्दै गएको सेन्ट्रल रिजर्व फोर्स अन्तर्गत ‘झारखण्ड जगुवार फोर्स’ को विशेष दस्ताको गाडी ल्यान्ड माइनमा परेको थियो । सरकारी सुरक्ष बल र माओवादी सेनाबीच दोहोरा भिडन्त समेत भएको थियो । एम्बुस र दोहोरो भिडन्तमा परी सरकारी सुरक्षा बलका ६ जना घटनास्थलमै मृत्यु भएको हाे
दोहोरो भिडन्त लामो समयसम्म जारी रहेपनि सरकारले थप सुरक्षा फौज पठाउन सकेको थिएन । स्थानीलाई उदृत गर्दै संचारमाध्यमहरुले दर्जनौं घाइते भएका कारण मृत्यु हुनेको संख्या बढ्न सक्ने बताएका छन् ।
आगामी केन्द्रीय चुनावसम्म माओवादीलाई समाप्त पार्ने योजना प्रधानमन्त्री नरेन्द्र मोदीले बनाएका छन् । मोदीले ‘अपरेसन ग्रिन हन्ट–३’ जारी राखेपनि माओवादीले भने ठाउँठाउँमा सरकारी सुरक्षा फौजमाथि आक्रमण जारी राखेका छन् । मोदीले सन् २०१९ सम्म माओवादीलाई समाप्त पार्ने योजना बनाएका छन् ।
यसअघि सन् २०१६को मे महिनामा सोही स्थानमा माओवादी एम्बुसमा परी सरकारी सुरक्षा बलका ७ जनाको मृत्यु भएको थियो ।
माओवादीलाई समाप्त पार्ने योजनासहित गाउँमा सरकारले दमन बढाएको छ । माओवादीको पछिल्लो पटक बौद्धिक वर्ग र सहरमा आफ्ना गतिविधिलाई बढाएका छन् । जनमेलका अनुसार दिनअघि मात्र ५ जना बुद्धिजीवीलाई माओवादीको आरोपमा धरपकड गरिएको छ ।
मोदी सरकारले दमनसँगै लोभलालच, प्रचार आतंक भ्रम फैलाइरहेको छ । केही दिन माओवादीले कारवाही नगरेपछि उत्साहित भएका प्रधानमन्त्री मोदी पछिल्लो कारवाहीपछि तनावमा रहेको बताइएको छ ।
भारतीय माओवादीले जुन २६ देखि एक हप्ते प्रतिरोध अभियान सुरु गरेको छ ।
