ईटहरी, १२ असार ।
नेपाल कम्युनिष्ट पार्टी( नेकपा) की नेतृ शिव खड्का (वीरता) लाई दुई बर्षे छोरी सहित प्रहरीले आज अदालत परिसरबाटै गिरफ्तार गरेको छ ।
२९ दिन हिरासतमा राखेर रिहा गरिएकी यहि जेठ २८ गते साधारण तारिखमा रिहा भएकी सुनसरीको इटहरी उपमहानगर कमिटीकीसेक्रेटरी शिव खड्कालाई प्रहरीले अाज अदालतबाटै गिरफ्तार गरेको हो ।
यहि वैशाख ३१ गते ईटहरीबाट गिरफ्तारमा परेकी उनलाई जिल्ला अदालत इनरुवाले रिहा गरेलगत्तै पुनः गिरफ्तार गरि झापाको गौरिगन्ज पुर्याएर गत जेठ २८ गते तारेखमा रिहा गरिएको थियो ।
तारिखमा गएकी खड्कालाई प्रहरीले गिरफ्तार गरेर बेपत्ता पारेको भन्दै नेकपा सुनसरीले घोर आपत्ति प्रकाट गरेको छ ।
नेकपाले खड्कालाई नावालक छोरी सहित अदालत भित्रबाटै गिरफ्तार गर्नु अमानवीय कार्य भएको भन्दै घोर निन्दा र आपत्ती पनि जनाएको छ ।
नेकपा सुनसरीका जिल्ला सेक्रेटरी पवनले नेतृ खड्कालाई सार्वजनिक गरी रिहाको माग गर्नुभएकाे छ । उहाँले पार्टीका नेता-कार्यकर्तालाई गिरफ्तार गरी बेपत्ता पार्ने कार्य नरोके जवाफ दिन बाध्य हुने चेतावनी समेत दिनुभयाे ।
उहाँले प्रहरी प्रशासनको धरपकड र ज्यादती बढेको भन्दै बिना कारण नेकपाका नेता कार्यकर्तालाई गिरफ्तार गर्ने काय बन्द गर्न पनि चेतावनी दिनुभएको छ । यस्तो कार्य जारी रहे शसक्त प्रतिकारमा उत्रने पनि उहाँको चेतावनी छ ।
प्रदेश १ मा सबैभन्दा धेरै नेकपा नेता कार्यकर्ता सुनसरीबाट गिरफ्तारमा परेका छन् । अहिले पनि गिरफ्तार परेका ९ जना हिरासतमा नै रहेको नेकपा सुनसरीले जनाएको छ ।
- फाइल फाेटाे
