काठमाडौं, असार ८ । काठमाडौं उपत्यकामा पिउनका लागि धेरैले जारको प्रयोग गर्ने गरेका छन् ।
घर होस् या कार्यालय वा रेष्टुराँ, सबैतिर खानेपानीका जारको नै पानी प्रयोग गरिन्छ ।
तर पछिल्लो समय मापदण्ड विपरीत जारको पानी बिक्रि वितरणमा रोक लगाउन थालिएको छ ।
उपत्यकामा सबैभन्दा बढी चल्ने जारको पानीमा दिसामा पाईने जिवाणु ईकोलाई र कोलिफर्म भटिएको छ ।
नेपाल विज्ञान तथा प्रविधि प्रज्ञा प्रतिष्ठान (नाष्ट) ले काठमाडौं र ललितपुरका ५० वटा पानी कम्पनीका जारको पानीको गुणस्तर परीक्षण गर्दा भयावह अवस्था देखियो । नाष्टले पानीको भौतिक, जैविक र रासायनिक परीक्षण गरेकोे थियो ।
भौतिक परीक्षणमा पानीको अम्लीय र क्षारीयपना, घोलित ठोस पदार्थ तथा विद्युतीय सम्बाहकता जाँचिएको थियो भने रासायनिक परीक्षणमा धातु, अधातु फलाम म्याग्नेसियम, आदिको परीक्षण गरिएको थियो ।
ईमेज खबरबाट हेर्नुहोस् भिडियो
