वीरगञ्ज, ६ असार ।
ठेकेदारको लापर्बाहीका कारण वीरगञ्जको पथलैयादेखि परवानीपुर हँुदै एकीकृत जाँच चौकी सम्म २७ किलोमिटर छ लेनको व्यापारिक मार्गको निर्माण कार्य समयमा पूरा नहुने भएको छ ।
सडक निर्माणको क्रम अगाडि बढिसके पनि बजेटको अभाव, निर्माण सामग्रीको अभाव तथा ठेकेदारको ढिलासुस्तीको कारण समयमा पूरा हुन नसक्ने व्यापारिक मार्ग विस्तार आयोजना, वीरगञ्ज—पथलैयाले जनाएको छ ।
जीतपुर बजारवासीलाई सडक क्षेत्रमा पर्ने घरटहरा तथा भौतिक संरचना भत्काउन जेठ १५ को म्याद दिए पनि अटेर गरेकाले उक्त ब्यापारिक मार्ग निर्माण कार्य अगाडि बढ्न नसकेको आयोजनाका इञ्जिनियर तथा सूचना अधिकारी सौम्या आनन्दले बताउनुभयो ।
केन्द्र बिन्दुबाट दायाँबायाँ २२० वटा घर भत्काउनु पर्ने बताउँदै योजना प्रमुख रवीन्द्रलाल दासले पथलैया परवानीपुरदेखि आइसिपीसम्म २७ किलोमिटरमध्ये एक हजार एक सय मिटरमा रहेको घरटहरा बलपूर्वक भएपनि भत्काउने बताउनुभयो ।
