आयल निगम सञ्चालक समतिको बैठकले पेट्रोलमा प्रतिलिटर तीन रुपैयाँ घटाएको निगमका प्रवक्ता वीरेन्द्र गोइतले जानकारी दिनुभयो ।

विद्यार्थीहरुले चरणबद्ध आन्दोनलका कार्यक्रम घोषणा गर्न थालेपछि सरकारले मूल्य घटाएको हो ।

नेपाल कम्युनिस्ट पार्टी निकट अखिल क्रान्तिकारी, नेविसंघलगायतका विद्यार्थी संगठनहरुले पेट्रोलिय पदार्थको मूल्यवृद्धि फिर्ताको माग राख्दै सडक संघर्ष जारी राखेका थिए ।
नयाँ मूल्यअनुसार अब पेट्रोल प्रतिलिटर रु ११० कायम हुनेछ । यसअघि पेट्रलको मूल्य प्रतिलिटर रु ११३ थियो ।

प्रवक्ता गोइतका अनुसार डिजेल र मट्टितेलमा पनि समान दुई÷दुई रुपैयाँ घटाइएको छ । अब डिजेलको र मट्टितेलको मूल्य प्रतिलिटर रु ९३ भएको छ । त्यसैगरी खाना पकाउने ग्यासको मूल्य भने यथावत् नै रहेको छ ।