काठमाडौँ , २८ जेठ । शंखमुलस्थित यूएनपार्क नजिकै गाेली चलेकेा छ । महानगरीय प्रहरी अपराध महाशाखाको टोलीलाई आक्रमण गर्न खोजेपछि काभ्रेली समूहका गुण्डा अशोक लामालाई प्रहरीले गोली हानेर नियन्त्रणमा लिएको छ ।
लामालाई दायाँ घुँडा मुनी गोली लागेको महाशाखा प्रमुख एसएपी धिरजप्रताप सिंहले जानकारी दिनुभयाे । उनलाई प्रहरीको टोलीले नियन्त्रणमा लिएर उपचारका लागि वीर अस्पताल पुर्याएको छ ।
एसएसपी सिंहका अनुसार प्रहरीले लामालाई पछ्याउँदै जाँदा उनले प्रतिकार गर्न खोजेपछि प्रहरी टोलीले गोली चलाएको हो। लामाको साथबाट एक पेस्तोल र २ थान गोली पनि बरामद भएको छ।
लामाले सातदोबाटोदेखि भैंसिपाटीसम्म विभिन्न व्यापारी तथा घरजग्गा प्लटिङ व्यवसायीसँग धम्काएर पैसा असुल गर्ने देखि अवैध रुपमा जुवा खेलाउने कार्यमा संलग्न रहेको प्रहरीको आरोप छ। उनीसँगै रहेका २ जना भाग्न सफल भएको प्रहरीले जनाएको छ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
