ईटहरी, २७ जेठ ।
नेपाल कम्युनिष्ट पार्टी( नेकपा) की नेतृ वीरता क्षेत्रीलाई अदालतले रिहा गरेलगत्तै प्रहरीले पुनः पक्राउ गरेको छ ।
जिल्ला अदालत इनरुवाले रिहा गरेलगत्तै प्रहरीले दुई बर्षिय छोरी सहित नेकपाकी इटहरी नगर सेक्रेटरी विरतालाई अदालत परिसरबाटै पुनः गिरफ्तार गरेको जनाएको छ ।
वैशाख ३१ गते ईटहरीबाट गिरफ्तार गरिएकोमा आज अदालतले रिहा गरेको थियो । अदालत परिसरबाटै उनलाई गिरफ्तार गरेको जनाईएपनि कहाँ लगिएको छ भन्ने अहिलेसम्म जानकारीमा आउन सकेको छैन ।
यसबिषयमा बुझ्दा प्रहरीले पक्राउ गरेको बारे जानकारी नभएके जनाएको छ । एसपि राजन अधिकारीले आफुलाई यसबारे जानकारी नभएको बताउनु भयो ।
वीरतासँग गिरफ्तार सर्वसाधारण नवराज ढकाल र निरज अधिकारी भने कारागार चलान भएका छन् ।
उता, इलाम कारागारमा राखिएका सुनसरीका पाँच जनालाई पनि आज छाडे लगत्तै गिरफ्तार गरेको छ ।
धरौटी बुझाएर कारागारबाट रिहा भएलगत्तै राष्टिय मानवअधिकार आयोगको क्षेत्रीय टोलीको अगाडिबाटै प्रहरीले गिरफ्तार गरेको जनाईएको छ । पक्राउ पर्नेहरुमा सुरेश राई , सुरज राई, मोहन कार्की। लक्षमण कार्की र रोशन ढकाल रहेका छन् ।
गत चैत ७ गते गिरफ्तार गरेर उनीहरूलाइ सुनसरी , झापा हुँदै इलाम पुर्याइएकाे थियाे । उनीहरुलाई यसअघि गिरफ्तार गरि ईलाम पुर्याइृएको थियो । आज भने संखुवासभा लगिएको जनाईएको छ ।
केपि ओली नेतृत्वको सरकारले विप्लव नेतृत्वको नेपाल कम्युनिष्ट पार्टीका नेता कार्यकर्तालाई निगरानी , धरपकट र गिरफ्तारी बढाएसँगै सबैभन्दा बढी पूर्वको सुनसरीबाट पक्राउ परेको जनाईएको छ
प्रदेश १ मा सबैभन्दा धेरै नेकपा नेता कार्यकर्ता सुनसरीबाट गिरफ्तारमा परेका छन् । हालसम्म ११ जना पक्राउ परेकोमा २ जना रिहा भएका छन् भने ३ जना कारागार , ५ जना संखुवासभा, १ जना हिरासतमा छन् ।
नेकपा सुनसरीले भने आफ्ना गिरफ्तार नेता कार्यकर्तालाई तत्काल रिहा गर्न माग गरेको छ ।
