काठमाडाै, २३ जेठ ।
राप्रपा छोडेर एमालेमा प्रवेश गरेका एक नेता कामचोर ठेकेरदारको आरोपमा पक्राउ परेका छन् । सुनौती खिम्तीका ठेकेदार धर्मराज भण्डारी ‘भिमसेन’लाई तत्कालिन नेकपा एमालेका अध्यक्ष एवं प्रधानमन्त्री केपी शर्मा ओलीले दोसल्ला ओढाएर पार्टीमा भित्र्याएका थिए ।
‘भिमसेन’लाई प्रहरीले पक्राउ गरेको सिन्धुपाल्चोकका प्रमुख जिल्ला अधिकारी अस्मान तामाङले पुष्टि गरेका छन् । लामोसाँघु जिरी सडक खण्डमा निर्माणकार्य ढिलाइ गरेको भन्दै प्रहरीले भण्डारीलार्इ पक्राउ गरेको हो ।
सिमान्चल, गौरी पार्वती , सुनौती खिम्ती कन्स्ट्रक्सनले उक्त ठेक्का लिएका हुन् । सिमान्चल भारतीय कम्पनी हो भने गौरी पार्वती र खिम्ति नेपाली हो ।
भण्डारी गएको संविधानसभा निर्वाचन २०७० मा पशुपतिशम्शेर राणा नेतृत्वको राप्रपाबाट तत्कालिन क्षेत्र नम्बर १ मा उममेद्वार भएका थिए । राप्रपा छोडेर गत वर्षको प्रतिनिधिसभा निर्वाचनअघि उनी तत्कालिन एमालेमा प्रवेश गरेका थिए ।
हामीलाई भण्डारी एमाले प्रवेश गर्दाको भिडियो पनि प्राप्त भएको छ ।
