काठमाडौ २२ जेठ ।
पृथ्वी राजमार्ग अन्र्तगत धादिङको थाक्रे गाउँपालिका ७ सातकिला भन्ने स्थानमा ट्रक र बोलेरो जीप आपसमा ठोक्किदाँ ट्रकमा आगलागी भएको छ ।

चितवनबाट काठमाडौंतर्फ आउदै गरेको ना ५ ख ८७७० नम्बरको सिमेन्ट बोकेको ट्रक र विपरित दिशाबाट आउँदै गरेको बा १७ च १०९३ नम्बरको बोलेरो जीप ठोक्किएको प्रहरीले जनाएको छ ।

जीपसँग ठोक्किएपछि ट्रकको ट्याङकीबाट आगो सल्केर क्षति भएको जिल्ला प्रहरी कार्यालय धादिङका प्रहरी नायव उपरीक्षक रामबहादुर केसीले जानकारी दिनुभयो । स्थानीयको सहयोगमा एक घण्टापछि प्रहरीले आगलागी नियन्त्रण्मा लिएको थियो ।

दुर्घटनामा बोलेरो जीपमा रहेका तीन जना घाइते भएका छन् । घाइतेहरुको स्थानीय महादेवबेसी पोलिक्लिनिकमा उपचार भइरहेको छ । ट्रकका चालक भने फरार रहेको प्रहरीले जानकारी दिएको छ ।

पश्चिमी वायुका प्रभावले केही स्थानमा वर्षा र हिमपातको सम्भावना

पश्चिमी वायुको आंशिक प्रभाव, हिमाली क्षेत्रमा वर्षा र हिमपातको सम्भावना

गोरखाको धार्चेमा भीषण सुक्खा पहिरो: बुढीगण्डकी नदी किनारको बाटो अवरुद्ध

बन्दीपुरमा ६७ फिट अग्लो राष्ट्रिय झण्डासहितको पार्क निर्माण हुँदै

‘हिमाली उत्थानशीलताका लागि अनुदानमा आधारित जलवायु वित्त र स्थानीय नेतृत्व आवश्यक’

भीमफेदी दुर्घटना छानबिन गर्न समिति गठन