२० जेठ, काठमाडौं ।
सुन तस्करीका अभियुक्त छिरिङ वाङ्गेल घलेले आफूमाथि लागेको सबै आभियोग अस्वीकार गरेका छन् ।आइतबार जिल्ला अदालत मोरङमा आत्मसमर्पण गरेका उनले इन्कारी बयान दिदै आफू सुन तस्करीमा संलग्नै नभएको दाबी गरेका हुन् । भुजुङ गुरुङ नाताले भिजानु पर्ने तर सुन तस्करीमा आफ्नो संलग्नता नभएको उनले बताएका छन् ।
मुख्य अभियुक्त चुडामणि उप्रेती गोरेसँग भने चिनजान नै नभएको दाबी उनकाे छ । यसअघि बयान दिदै गोरेले सुन तस्करीको नेपालमा सेटिङ मिलाउने मुख्य व्यक्ति छिरिङ भएको र उनीको मातहतमा बसेर आफूले भरियाको नेतृत्व गरेको बताएका थिए ।
साढे ३३ किलो सुन हराएपछि भने गोरे र उनका केटाहरुलाई दुई पटक बोलाएर सोधपुछ गरेको स्वीकार गरेका छन् । तिलगंगा नजिकै एक होटलमा भएको सोधपुछका क्रममा गोरेकै दबावमा आफूले भुजुङलाई फोन गरेको उनको बयान छ ।
गोरे समूहका मानिसहरुले भन्ने गरेको डा. डेविट आफू नभएको दाबी गर्दै उनले भनेका छन्, ‘निजले अदालतमा मविरुद्ध बयान गर्नुका कारण आफ्नो समूहका मानिसलाई बचाई मलाई फसाउन हुनुपर्छ । गोरेले भनेको छिरिङ अर्कैै पनि हुनसक्छ । म छिरिङ वाङ्देल गुरुङ हो म सुन कारोगार नगर्ने हुँदा निर्दोष छु ।’
भुजुङसँग हाइड्रोको शेयरमा भने आफूले कारोबार गरेको छिरिङको बयानमा उल्लेख छ ।
