काठमाडौं, १६ जेठ ।
सरकारले नारायणहिटी दरबार संग्राहलयमा रहेको राजसंस्थाको प्रतिक राजमुकुट (श्रीपेच) सार्वजनिक गर्ने जनाएको छ ।
संस्कृति, पर्यटन तथा नागरिक उडड्यनमन्त्री रबीन्द्र अधिकारीले राजमुकुट नारायणहिटी दरबार संग्राहलयमा ३ महिना भित्र सार्वजनिक गर्ने योजनाअघि सार्नु भएको छ ।सअघि पनि सरकारले राजमुकुटलाई सार्वजनिक गर्ने प्रतिवद्धता पटक–पटक दिँदै आएको थियो ।
आज नारायणहिटी दरबार संग्राहलयको अनुगमनमा जानुभएका मन्त्री अधिकारी दरवारको उचित व्यवस्थापनका लागि गुरु योजना बनाउने प्रतिवद्धता पनि व्यक्त गर्नभएको छ ।
मन्त्री अधिकारीले नारायणहिटी दरबार संग्राहलयमा निर्माणाधिन गणतन्त्र स्मारकको काम पनि छिट्टै सम्पन्न हुने आश्वासन दिनुभयो ।
मुलुकमा गणतन्त्र स्थापना भएसँगै सरकारले नारायणहिटी राजदरबारलाई संग्राहलयको रुपमा नामाकरण गरेको थियो ।
मन्त्री अधिकारीले नारायणहिटी संग्राहलयको ऐतिहासिकता मर्न नदिन सरकारले छुट्टै समिति बनाउने योजना बनाईने बताउनु भएको छ ।
