काठमाडौं, १५ जेठ । नेपाल कम्युनिस्ट पार्टीले बुटवल उपमहानगरपालिका–१७ रानिगन्जमा सार्वजनिक जग्गा कब्जा गरेर प्लटिङको तयारी गरेपछि सो जग्गामा लगाएको पर्खाल भत्काईदिएका छन् ।
पार्टीको जनसरकारले सार्वजनिक जग्गा कब्जा गरेर सुकुम्बासीको उठिबास लगाएको भन्दै भुमाफिया चिन्तामाणी पाण्डेमाथि चेतावनी स्वरुप सांकेतिक रुपमा उक्त कार्वाहि गरेको पनि जनाएको छ ।
पाण्डेले रानिगन्जमा सार्वजनिक जग्गा कब्जा गरेर जग्गामा चारैतिर पर्खाल लगाएका थिए ।
जनपरिषद्का कार्यकर्ताले उक्त पर्खाल भत्काएका छन् । सोही ठाउँमा जनपरिषद्को नाममा पर्चा पनि भेटिएको छ ।
उक्त पर्चामा पाण्डेले सार्वजनिक जग्गा कब्जा गरेर आफ्नो नाममा गरेको, सुकुम्बासीको उठिबास लगाएर उनीहरुका घर जग्गा हडप्ने गरेको, केही व्यक्तिहरुसँग मिलेर सुकुम्बासीलाई हट्न दवाव दिँदै आएकाले जनकार्वाहि गरेको उल्लेख छ ।
