विराटनगर, १५जेठ ।
केपी ओली नेतृत्वको सरकारले नेपाल कम्युनिष्ट पार्टीका नेता कार्यकर्तामाथिको धरपकड अझै रोकेको छैन । नेकपा केन्द्रिय सदस्य तथा कोशी ब्यूरो इन्चार्ज किरण राई सहित ४ जना नेताहरुलाई आज पनि रिहा गरे लगत्तै पुनः प्रहरीले माथिको आदेश भन्दै गिरफ्तार गरेको छ ।
केन्द्रिय सदस्य राई सहित कोशि ब्युरो सदस्य दिपसन लिम्बु, धनकुटा ईन्चार्ज माधव गौतम र सेक्रेटरी नवराज भट्टराईलाई उच्च अदालत विराटनगरले रिहा गरेलगत्तै पुनः मोरङको प्रहरी टोलीले गिरफ्तार गरेको हो ।
यसअघि जेठ ८ गते उच्च अदालतले रिहा गरेलगत्तै अदालत परिसरबाटै चारै जना नेताहरुलाई गिरफ्तार गरि सुनसरी पुर्याईएको थियो । आज पनि उच्च अदालतले अदालतको आदेश मानेर रिहा गरिएका नेताहरुलाई पुनः पक्राउ नर्ग निर्देशन दिएपनि त्यसको उल्लङघन गर्दै मोरङ प्रहरीले गिरफ्तार गरेको हो ।उनीहरूलाइ झापा पुर्याइएकाे छ ।
अदालतले छाडेपनि प्रहरीले गिरफ्तार गरेर अदालतको आदेश उल्लङघन गरेको भन्दै आज विराटनगर उच्च अदालतले अदालतकै कर्मचारीको रोहवरमा रिहा गर्ने र उनीहरुलाई गिरफ्तार नगर्न भनेपनि प्रहरीले माथिको आदेश भन्दै पुन समातेको हो ।
गत चैत ५ गते धनकुटाको हिलेबाट गिरफ्तार गरि चैत २९ गते धनकुटा जिल्ला प्रशासनले सामान्य धरौटिमा छोडे लगत्तै उनीहरुलाई पुन उदरपुरबाट गएको प्रहरी टोलीले गिरफ्तार गरेको थियो ।
त्यसपछि गत २७ वैशाख मा उदयपुर जिल्ला अदालतले रिहा गरेपछि मोरङ्गबाट गएको प्रहरी टोलीले गिरफ्तार गरेको थियो ।
उनीहरुलाई जेठ ८ गते पनि रिहा भएलगत्तै पक्राउ गरि सुनसरी पुर्याईएको हो ।यो सँगै रिहा गर्दै समाउदै गरेको पाँचौ पटक पुगेको छ ।
-फाईल फोटो
यो पनि पढ्नुहोस् ।
अदालतले छाडेलगत्तै राई सहितका नेकपा नेताहरु पुनः गिरफ्तार, विराटनगरमा पक्राउ गरि सुनसरी पुर्याइयो
