डडेल्धुरा, १५ जेठ ।
डडेल्धुराको गन्यापधुरा गाउँपालिकास्थित केआइसिंह राजमार्गको गजरौला नजीक जीप दुर्घटना हुँदा वडाध्यक्षसहित चार जनाको मृत्यु भएको छ ।
सिलगढीबाट धनगढीतर्फ गइरहेको से१ज ३३० नं को जीप दुर्घटना हँुदा डोटी आदर्श गाउँपालिका–३ का वडाध्यक्ष प्रेम बोहरासहितको घटनास्थलमा नै मृत्यु भएको प्रहरीले जनाएको छ ।
मृत्यु हुने अन्यमा गाडीधनी दिपायल सिलगढी–४ का विनोदकुमार रावल तथा आदर्श गाउँपालिकाका लाल बोहरा र जानकी बोहरा रहेको जिल्ला प्रहरी कार्यालय डडेल्धुराका प्रहरी नायब उपरीक्षक चक्रराज जोशीले जानकारी दिनुभयो ।
जीपमा ११ जना सवारमध्ये सात जना घाइते भएकामा पाच जनाको उपक्षेत्रीय अस्पतालमा उपचार भईरहेको छ ।
घाइते करुणकुमार यादव र विष्णु विकलाई थप उपचारका अन्यत्र पठाईएको जनाईएको छ ।
यता काठमाडौंको तिलिङ्गाटारमा आज बिहान रोकिराखेको बसमा मोटरसाइकल ठोक्किँएर दुर्घटना हुँदा दुई जनाको मृत्यु भएको छ ।
मृत्यु हुनेमा मोटरसाइकल चालक बाराका करिब ३० वर्षीय मानबहादुर बल र मोटरसाइकल पछाडि सवार नाम नखुलेका अन्दाजी ३० वर्षीय अर्को पुरुषको मृत्यु भएको प्रहरीले जनाएको छ ।
बिहान करिब सवा ४ बजे सडक किनारमा रोकी राखेको बा २ ख ६२३० नम्बरको बसमा सामाखुसीबाट चक्रपथ तर्फ तीव्र गतिमा आउँदै गरेको बा ३७ प ७३८० नम्बरको मोटरसाइकल ठोक्किएको थियो ।
दुर्घटनामा गम्भीर घाइते भएका दुवै जनाको उपचारका क्रममा शिक्षण अस्पताल महाराजगञ्जमा मृत्यु भएको महानगरीय प्रहरी वृत्त महाराजगञ्जले जनाएको छ ।
