ललितपुर, १३ जेठ । काठमाडौं उपत्यकामा उद्योगले भन्दा यातायातका साधनले वायु प्रदूषण बढी गराएको एक अध्ययनले देखाएको छ ।
वातावरण विभागले गरेको एक अध्ययनले उपत्यकाको वायु प्रदूषणमा सवारीसाधनको अधिक भूमिका रहेको देखिएको हो ।
हावामा कुन–कुन ग्यासको मात्रा कति छ भनेर जान्नका लागि गत वर्ष रत्नपार्कमा उपकरण जडान गरिएको थियो । त्यसमा गाडीले फाल्ने धुवाँ बढी पाइएको हो ।
विभागका उप–महानिर्देशक सफला श्रेष्ठले जडान गरिएको उपकरणले देखाएको नतिजा सार्वजनिक गरेको बताउदै अब समाधान खोज्न लाग्नुपर्ने बताउनु भयो ।
फरक÷फरक संस्थाले वायु प्रदूषणमा कुन÷कुन क्षेत्रको योगदान के कति रह्यो भन्ने विषयमा फरक फरक आँकडा प्रस्तुत गर्दैआएका छन् । एकीकृत तथ्याँकका लागि इसिमोड संस्थासँगको सहकार्यमा विभागले उपकरण जडान गरेको हो ।
विभागले काठमाडौँं उपत्यका र उपत्यका बाहिरका विभिन्न स्थानमा वायुको अवस्थाबारे जानकारी दिने उपकरण(वायु गुणस्तरमापन स्टेशन) बनाएको छ ।
यसले काठमाडाँै उपत्यका भन्दा लुम्बिनी क्षेत्रमा बढी वायु प्रदूषित भएको देखाएको छ । उपत्यका बाहिरका पोखरा, धुलिखेल, सौराहा भन्दा काठमाडाँैंको वायु बढी प्रदूषित छ ।
