बर्दघाट, ५ जेठ ।
नवलपरासीको बर्दघाटमा मोटरसाईकल दुर्घटना हुँदा तीन जनाको मृत्यु भएको छ भने एक जना घाईते भएको छन् ।
उत्तर बाट दक्षिण तर्फ जादै गरेको लु ३७ प १५७० नम्बरको मोटरसाईकल दक्षिण बाट उत्तर तर्फ आउदै गरेको लु १० प ४४३५ नम्बरको मोटरसाईकल एक आपसमा ठोकीदा उनीहरुको मृत्यु भएको हो ।
ससस्त्र प्रहरी सिमा सुरक्षा तालिम विद्यालय नजीकै एक आपसमा ठोकीदा २ जनाको घटना स्थलमा नै मृत्यु भएको र १ जनाको उपचारका लागि भरतपुर लैजादै गर्दा मृत्यु भएको जिल्ला प्रहरी कार्यालयले जनाएको छ ।
मृत्यु हुनेमा बर्दघाट १६ का बर्ष २१ का सन्तोष न्यौपाने बर्दघाट १४ का बर्ष १९ का आशिष जीसी र बर्दघाट १६ बस्ने बर्ष ३० का अजित सिंह ठकुरी रहेका छन् ।
अर्का घाईते बर्दघाट १४ का बर्ष २४ का दिपेन्द्र जीसीलाई उपचारार्थ बुटवल पठाईएको र उनको अवस्था खतरा मुक्त रहेको प्रहरीले जनाएको छ ।
