काठमाडौ ५ जेठ ।
बाग्मती सफाई महाअभियान आज ५ वर्ष पूरा गरेको छ । २०७० साल जेठ ५ गतेदेखि सुरु भएको अभियानका क्रममा आजसहित बाग्मती सफाईका लागि २ सय ६२ औं हप्ताको अभियान भएको छ ।
५ वर्षको अवधिमा सुन्दरीजलदेखि चोभारसम्मको बाग्मती नदीमा २ पटक सफाई गरिसकिएको छ । यस्तै अहिलेसम्म १८ हजार मेट्रिकटन फोहोर व्यवस्थापन गरिएको छ । सफाई अभियानमा १५ सय भन्दा बढी संस्थाको सहभागिता छ ।
५ वर्षको अवाधिमा मानिसहरुमा सफाई गर्नपर्छ भन्ने धारणाको विकास भएको अभियन्ताहरु आवी गर्छन् । काठमाण्डूमा सुरु भएको बाग्मती सफाई अभियानको सिको गर्दै देशका अन्य नदी तथा शहरको सफाई पनि सुरु भएको छ ।
अभियानले ५ वर्ष पूरा गरेको अवसरमा आज बेलुकी दीप प्रज्वलन कार्यक्रम आयोजना गरिएको छ । कार्यक्रममा पूर्व प्रधानन्यायाधीस, खानेपानी मन्त्री विना मगर लगायतको उपस्थिति रहने बाग्मती सफाई अभियन्ता राजकुमार भट्टराईले जानकारी दिनुभयो ।
बाग्मती सफाई महाअभियानको २ सय ६२ औँ सातामा आज शंखमुल दोभान आसपासका क्षेत्रमा सरसफाई भइरहेको छ । सफाईमा झण्डै ४ सय भन्दा बढिको सहभागिता रहेको अभियन्ता रामशरण कार्कीले जानकारी दिनुभयो ।
