ईटहरी, ३१ वैशाख ।
नेपाल कम्युनिष्ट पार्टी निकट अखिल नेपाल महिला संघ क्रान्तिकारी केन्द्रिय सदस्य विरता क्षेत्रीलाई प्रहरीले गिरफ्तार गरेको छ ।
नेकपा जिल्ला सदस्य तथा ईटहरी नगर सेक्रेटरी क्षेत्रीलाई आज मध्यान्ह १२ बजे घरबाटै गिरफ्तार गरेको हो ।
उनीसँगै पार्टी सदस्य समेत नरहेका श्रीमान नवराज ढकाललाई समेत प्रहरीले गिरफ्तार गरेको छ । उनीहरुसँगै रहेको डेढ बर्षकी छोरीलाई भने छाडेर बाबु आमालाई गिरफ्तार गरेको जनाईएको छ ।
यसैबीच नेकपामा आबद्ध भएकै आधारमा बिना कारण आफ्ना नेता कार्यकर्तामाथि धरपक गर्ने तथा गिरफ्तार गर्ने कर्य नरोकिएको भन्दै बिरोध गेको छ ।
सुनसरी जिल्ला सेक्रेटरी पवनले आज बिज्ञप्ती निकालेर आज ईटहरीबाट बिना कारण आफ्नै घरमा बसिरहेको अवस्थामा नावालक छोरीलाई द्दरमा एक्लै छाडेर बाबुआमालाई गिरफ्तार गरेको भन्दै बिरोध जनाउनु भएको छ ।
उहाँले नगर सेक्रेटरी विरता र पार्टीसँग आबद्ध नै नरहेका उनका श्रीमानलाई गिरफ्तार गरेको भन्दै तत्काल रिहा गर्न माग गर्नुभएको छ ।
प्रहरीले आतंक मच्चाउनेगरी घरमा खानतलासी गरेर पुस्तक र झण्डा पनि लगेको उहाँले बताउनु भएको छ ।
