काठमाडौं, ३१ बैशाख ।
नेपाल कम्युनिष्ट पार्टीका कार्यकर्ताले प्रहरीले गिरफ्तार गरेर लैजादै गरेका अवस्थामा स्थानीयले खोसेर लगेका छन् ।
नेपाल बन्दको क्रममा आइतबार पक्राउ परेका नेकपाका कार्यकर्तालाई लैजान लागेको प्रहरीको स्कर्टिङ टोलीमाथि स्थानीय जनताले हस्तक्षेप गरि नेकपाका कार्यकर्ता छुटाएर लगेका हुन् ।
नेपाल बन्दका क्रममा त्रिपुरासुन्दरी नगरपालिकाअन्तर्गत पर्ने त्रिपुराकोट बगरबजारबाट डोल्पा मुड्केचुला गाउँपालिका–९ घर भएका उक्त दलका जिल्ला सदस्य सागर शाहीलाई त्रिपुराकोट प्रहरीले पक्राउ गरेर राखेको थियो ।
आज बिहानै त्रिपुराकोट प्रहरी चौकीबाट स्कर्टिङ गरेर सदस्य शाहीलाई जिल्ला प्रहरी कार्यालय दुनैतर्फ लैजाँदै गर्दा ठूलीभेरी नगरपालिका–९ अन्तर्गत पर्ने भेत्तिडाँडोमा स्थानीयले प्रहरी हवल्दार धनसिं कठायत र प्रज जयलाल बस्नेतको टोलिमाथि हस्तक्षेप गरी छुटाएर लगेको प्रहरी नायब उपरीक्षक हरिप्रसाद शर्माले बताए ।
