बाँके, २९ वैशाख।
काठमाण्डौमा भारतीय प्रधानमन्त्री नरेन्द्र मोदीको नागरिक अभिनन्दन भईरहेकोबेला बाँकेको नेपालगंज स्थित धम्बोजी चोकमा नेकपा क्रान्तिकारी माओवादी आज पुत्ला जलाएको छ ।
क्रान्तिकारी माओवादी बाँके, बर्दियाले संयुक्त रुपमा आयोजना गरेको विरोध कार्यक्रममा मोदीको पुत्ला जलाएको हो ।
त्यस क्रममा नेकपा क्रान्तिकारी माओवादीका बर्दिया जिल्ला सचिवालय सदस्य तथा युवाका प्रदेश नम्बर ५ संयोजक भुकम्प, बाँके सेक्रेटरी अर्जुन, मजदुर नेता विराट, युवा नेता दिपकलाई प्रहरीले गिरफ्तार गरेको जनाईएको छ । उता जिल्ला प्रहरी कार्यालय बाँकेले भने आवाश्यक सोधपुछका लागी नियन्त्रणमा लिईएको उल्लेख गरेको छ ।
भारतीय प्रधानमन्त्री नरेन्द्र मोदीको नेपाल भ्रमण लगायतका विभिन्न राजनितिक विषयमा आयोजना गरिएकोे विरोध कार्यक्रममा सरिक आफना नेताहरुको निशर्त रिहाईको माग गर्दै नेताहरुलाई नछाडे कडा आन्दोलन गर्ने नेकपा क्रान्तिकारी माओवादी बर्दिया सेक्रेटरीले चेतावनी समेत दिनुभएको छ ।
