काठमाण्डौ, २९ वैशाख ।
काठमाडौं महानगरपालिकाले राष्ट्रिय सभागृहमा भारतीय प्रधानमन्त्री नरेन्द्र मोदीलाई अभिनन्दन गर्ने कार्यक्रममा परराष्ट्र मन्त्रालयले जारी गरेको प्रेस पास नै भारतीय सुरक्षा अधिकारीहरुले अमान्य हुने भन्दै प्रवेशमा रोक लगाएपछि सबै सन्चारकर्मीले उक्त कार्यक्रम नै बहिस्कार गरेका छन् ।
परराष्ट्र मन्त्रालयले मोदी जाने स्थलको प्रेस पास वितरण गरेको थियो तर भारतीय सुरक्षा अधिकारीले रोकेपछि नेपाली सञ्चारकर्मीहरुले मोदीको कार्यक्रम नै बहिष्कार गरेका छन् ।
उक्त पासलाई मान्यता नदिई भारतीय सुरक्षा अधिकारीले नेपाली एवं अन्य अन्तर्राष्ट्रिय सञ्चार माध्यमका प्रतिनिधिलाई राष्ट्रिय सभागृह प्रवेशमा रोकटोक गर्न थालेपछि सञ्चारकर्मीहरु आक्रोशित भएर विरोधमा उत्रिएका हुन् । प्रवेशमा भेदभाव गरेको विरोधमा मोदी आउने सडकमा सञ्चारकर्मीहरुले क्यामेरा “डाउन” गरेका थिए ।
