क्वालालम्पुर, २८ वैशाख ।
मलेसियाका नवनियुक्त प्रधानमन्त्री माहाथिर मोहमदले आज दश जना नयाँ मन्त्री थप्नुभएको छ ।
उहाँले विपक्षी गठबन्धनको समर्थनमा हिजो प्रधानमन्त्रीको सपथ लिनुभएको थियो । उहाँले पहिलो पटक तत्काल नियुक्ति गनुपर्ने मन्त्रीहरुको नामावली तयार गरी आज मन्त्रिमण्डलमा विस्तार गर्नुभएको हो ।
आज पत्रकार सम्मेलनको आयोजना गरी प्रधानमन्त्री माहाथिरले अर्थ, गृह, शिक्षा, बहुसञ्चार, बिज्ञान र सार्वजनिक सडक मन्त्री नियुक्त गरिएको जानकारी गराउनु भयो ।
आफूले ठूलो संख्याको मन्त्रिमण्डल नचाहेको तर केही मन्त्रीहरुको भने तत्काल आवश्यकता भएकोले तत्कालै विस्तार गरिएको प्रधानमन्त्री माहाथिरले बताउनु भएको छ ।
यस अघिका प्रधानमन्त्री नजिक रजाकको सरकारमा धेरै मन्त्रीहरु रहेका तथा भ्रष्टाचार बढेको भन्दै निकै आलोचना भएको थियो ।
आफूले चुस्त सरकार निर्माण गर्ने र पारदर्शिता र सुशासन कायम गर्ने जानकारी प्रधानमन्त्री महाथिरले सो पत्रकार सम्मेलनमा जानकारी दिनुभएको थियो ।
