उदयपुर , २७ वैशाख ।
नेपाल कम्युनिष्ट पार्टीका केन्द्रिय सदस्य तथा कोशी ब्यूरो इन्चार्ज किरण राई सहित ५ जना नेताहरुलाई आज रिहा गरे पनि प्रहरीले गिरफ्तार गरेको छ ।
केन्द्रिय सदस्य राई सहित कोशि ब्युरो सदस्य दिपसन लिम्बु, धनकुटा ईन्चार्ज माधव गौतम, सेक्रेटरी नवराज भट्टराई र तेहथुमको सेक्रटरी कमला लिम्बुलाई जिल्ला अदालत उदयपुरले आज सामान्य धरौटिमा आज रिहा गरेपनि प्रहरीले अदालत परिसरबाटै गिरफ्तार गरेको हो ।
गत चैत ५ गते धनकुटाको हिलेबाट गिरफ्तार गरि चैत २९ गते धनकुटा जिल्ला प्रशासनले सामान्य धरौटिमा छोडे लगत्तै उनीहरुलाई पुन उदरपुरबाट गएको प्रहरी टोलीले गिरफ्तार गरेको थियो ।
आ पनि जिल्ला अदालत उदयपुरले रिहा गरेलगत्तै गिरफ्तार गर्ने तयारी गरेपछि अदालत भित्रै बसेका उनीहरुलाई राति पौने १० बजे गिरफ्तार गरेको जनाईएको छ ।
राई सहित पाँचै जना नेताहरुलाई मोरङ्ग लैजाने तयारी गरेको छ । उनीहरुसँगै गिरफ्तार गरिएका राजकुमार दंगाल र दिब्यराज बराललाई भने प्रहरीले संङखुवासभा लगेको छ ।
