५ बैशाख,काठमाडौँ । नेपाल कम्युनिस्ट पार्टीले पेट्रोलिय पदार्थको मूल्यवृद्धि बिरुद्ध संघर्षको उदघोष गरेको छ । सरकारले पेट्रोलियम पदार्थको मूल्यवृद्धि गरेको भन्दै नेपाल कम्युनिस्ट पार्टी निकट जनवर्गीय संगठनहरु सडकमा निस्केका छन् । बुधबार काठमाडौंको रत्नपार्कमा विरोध प्रदर्शन गरेका छन् । विरोध प्रदर्शनलाई देशव्यापी बनाउने बताइएको छ ।
दैनिक उपभोग्य र सेवामा कृतिम अभाव सिर्जना गर्दासमेत सरकार नियन्त्रण गर्नुको साटो पेट्रोलिय पदार्थमा मूल्यवृद्धि गरेर जनविरोधी काम गरेको भन्दै उनीहरु संयुक्त सडकमा निस्केका हुन् ।
अखिल नेपाल महिला सङ्घ क्रान्तिकारीकी अध्यक्ष बन्धु चन्द, अखिल नेपाल किसान संघ (क्रान्तिकारी) की अध्यक्ष सविता सिंह, योङ रेड फोर्स, नेपालका अध्यक्ष बाबुराम राई, अखिल क्रान्तिाकरीका अध्यक्ष चिरञ्जीवी ढकाल, अखिल नेपाल क्रान्तिकारी ट्रेड युनियन महासंघका कार्यालय सदस्य गोकुल दाहाल, अखिल नेपाल जनसांस्कृतिक महासंघका महासचिव खेम थपलियाले बुधबार संयुक्त रुपमा विज्ञप्ति जारी गरेर पेट्रोलिय पदार्थको मूल्यवृद्धिविरुद्ध विरोध गरेका छन् ।
उनीहरु वामपन्थी सरकारले जनताको ढाड सेक्नेगरी मूल्यवृद्धि गरेको बताउँदै जनजीवनमा नकारात्मक असर पारेको बताएका छन् ।
यस्तो छ विज्ञप्ति
