काठमाडौँ, २९ चैत ।
मानव बेचबिखन तथा लैङ्गिक हिंसा विरुद्ध कार्यरत संस्था के. आई. नेपाललाई यस बर्षको उत्कृष्ट सामाजिक संस्थाको रूपमा सम्मान गरिएको छ ।
भारतस्थित “हाम्रो सोच हाम्रो भविष्य” नामक संस्थाद्धारा मानव बेचबिखन तथा लैङ्गिक हिंसा विरुद्ध नेपाल तथा भारतबाट समेत महिला तथा किशोरीहरुको उद्धार गरी परिवारमा पुनर्मिलन गराउने, सीपयुक्त तालिम प्रदान गरी आत्मनिर्भर बनाउने तथा सचेतनामुलक कार्यक्रमहरु संचालन गरी मानब बेचबिखन नियन्त्रणमा अतुलनीय कार्य गरे बापत के.आई. नेपाललाई सम्मान गरिएको हो ।
“हाम्रो सोच हाम्रो भविष्य” नामक संस्थाको प्रथम वार्षिक उत्सव तथा सांस्कृतिक कार्यक्रमको आयोजना मार्फत के. आई नेपाल र यसका कार्यक्रम निर्देशक इन्द्रराज भट्टराईलाई सम्मान गरेको उक्त संस्थाले जनाएको छ ।
दिल्ली महिला अायोग, विभिन्न नेपाली मिडिया तथा सामाजिक संस्थामध्येबाट के.आई. नेपाललाई सम्मान गरिएको जानकारी अायोजक संस्थाका अध्यक्ष राजपावर महरले बताएका छन् ।
केही दिन अगाडि मात्र नेपाल सरकारद्वारा मानव बेचबिखन र अोसारपसार बिरूद्धको राष्ट्रिय समितिमा मनोनीत के.आई. नेपालले छोटो समयमा नै भारतका विभिन्न ठाउँहरुबाट भारतस्थित महिला आयोग, नेपाली राजदुतावास तथा भारतका विभिन्न संघसंस्थाहरसंगको समन्वय तथा सहकार्य गरी महिला तथा किशोरीको उद्धार गर्न सफल भएको र बेचबिखन तथा हिंसामा परेर अलपत्र परेका महिला तथा किशोरीको उद्धार पश्चात संरक्षणका साथै परिवारमा पुनर्मिलन गराउँदै आइरहेकोे छ ।
विभिन्न नेपाली राष्ट्रिय तथा स्थानीय कलाकारहरूको बेजोड सांगीतिक प्रस्तुति रहेको कार्यक्रम इन्द्रराज भट्टराईको प्रमुख अातिथ्यतामा सम्पन्न भएको कार्यक्रममा दिल्लीका पूर्व सांसद जे पी अग्रवाल, अातंकवाद बिरूद्धको सुरक्षा फोर्सका प्रमुख एम एस भिट्टा, दिल्ली महिला अायोग एबं विभिन्न संघसंस्थाका प्रतिनिधिहरूको उपस्थिति रहेको समाजसेवी नवीन जोशीले बताउनुभयो ।
