काठमाडौं २८ चैत, ।
सभामुख कृष्णबहादुर महराले आफू अहिले माओवादी केन्द्रमा नरहेको बताउनु भएको छ । सभामुख सपथग्रहण लगत्तै पार्टीको सबै जिम्मेवारीबाट अलग भइसकेको उहाले बताउनु भएको हो ।
संसदीय मामिला पत्रकारसँग आज सिंहदरबारमा कुरा गर्दै महराले ‘सभामुख नहुदा पार्टीमा रहँदा पनि सबैसग सन्तुलनमा रहने भएकाले राष्ट्रिय अन्तर्रा्ष्ट्रिय समुदायसग संवाद गर्नलाई पार्टीले खटाउने गरेको बताउनु भएको छ ।
साथै अर्को एक प्रसंगमा सभामुख महराले दुई वर्ष्भित्रमा संसदको आफ्नै भवन हुने बताउनु भएको छ ।
उहाका अनुसार सिंहदरबारभित्र रहेको पुतली बगैंचामा संघीय संसद भवन बन्नेछ । त्यसका लागि पुतली बगैचामा रहेको सेनाको ब्यारेक गृहमन्त्रालय पछाडि सार्न प्रधानसेनापति सहमत भैसकेको उहाको भनाईथियो ।
सभामुख महराले आगामी असोज भित्र संविधान अनुसार सबै कानूनहरु बनाइसक्नु पर्ने भएकाले सबै मन्त्रालयले विधेक मस्यौदा गरेर पठाउन प्रधानमन्त्री सग छलफल भैसकेको बताउनु भएको छ । उनले संसदको रिपोर्टिङ गर्ने पत्रकारको सुबिधाका लागि आफूले सघाउने बताउउनु भएको छ ।
