काठमाडौं ,चैत्र २२ ।
काठमाडौंमा यो महिना औषत भन्दा बढी पानी परिसकेको मौसम पुर्वानुमान महाशाखाले जनाएको छ ।
सामान्यतया अप्रिल महिनामा काठमाडौंमा ६१ मिलिमिटर पानी पर्नुपर्नेमा महिनाको सुरुवात नै ६५ मिलिमिटर भन्दा बढी पानी परिसकेको मौसमविद वरुण पौडेलले जानकारी दिनुभयो ।
उपल्लो वायुमण्डलमा बनेको न्यूनचापिय प्रणालीको प्रभावका कारण अझै कृहि दिन बर्षा हुने पनि उहाँले बताउनु भयो ।
आज पनि काठमाण्डौं उपत्यकासहित अधिकांश स्थानमा पानी पर्ने संभावना रहेको महाशाखाले जनाएको छ । मार्चदेखि अप्रिलको अन्त्यसम्म प्रि मनसुनको प्रक्रिया चल्ने भएकाले विषेशगरी पहाडी भू–भागमा मेघ गर्जनसहित पानी पर्ने, हावाहुरी चल्ने, चट्याङ पर्ने मौसमविद पौडेलले बताउनुभयो ।
अझै एक–दुई दिन बिहान मौसम खुले पनि अपरान्हपछि बदली भएर साँझपख पानी पर्ने सम्भावना रहेको उहाँले बताउनुभयो ।
