मकवानपुर , २१ चैत ।
गोरखाका पुराना कम्युनिष्ट नेता तथा नेपाल कम्युनिष्ट पार्टीका गोरखा जिल्ला इन्चार्ज योगेन्द्र कुमाललाई प्रहरीले गिरफ्तार गरेको छ । कुमाललाई गोरखा १० किलो स्थित उहाँकै घरबाट प्रहरीले गिरफ्तार गरेको हो ।
चैत १६ गते गण्डकी गाउँपालिका ५ मा एनसेलको मोबाइल फोन टावरमा आगजनी गरेको र १९ गते राति मध्यपहाडी लोकमार्ग सडक खण्डको मसेलमा डोजरमा आगो लगाएको आरोपमा कुमाललाई पक्राउ गरिएको जिल्ला प्रहरी कार्यालय गोरखाका एसपी प्रकाश अधिकारीले जानकारी दिनुभयो ।
तर नेकपा गोरखाले भने उक्त घटनामा आफ्नो पार्टीको संलग्नता नरहेको प्रस्ट पारेको छ ।
उहाँ अस्वस्थ रहेर घरमा नै आराम गरिरहेको बेला झुठा मुद्धामा उहाँलाई गिरफ्तार गरेको भन्दै नेकपाले आपत्ती जनाएके छ । उहाँलाई तत्काल बिना शर्त रिहा गर्न पनि माग गरेको छ ।
यस्तै मकवानपुरबाट आज बिहान नेकपाका स्थानीय कार्यकर्ता ईमान सि थिंगलाई गिरफ्तार गरेको छ ।
मकवानपुर मनहरी ३ सिद्धावाली जिप्रका मकवानपुरले आज घरमा सुतिरहेको अवस्थामा गिरफ्तार गरेको हो ।
विनाकारण घरमा सुतिरहेका कार्यकर्तालाई अपहरण शैलीमा गिरफ्तार गरिएको भन्दै नेकपा मकवानपुरले भने आपती जनाएको छ । आज ईन्चार्ज ज्वाला र सेक्रेटरी अनुरागले संयुक्त विज्ञप्ती निकालेर गिरफ्तार कार्यकर्तालाई तत्काल रिहा गर्न माग गर्नुभएको छ ।
बिनाकारण नेकपा नेता कार्यकर्ता गिरफ्तार गरि झुठा मुद्धा लगाउने कार्य नरोकिएको भन्दै तत्काल बिनाशर्त रिहा गर्न पनि बिज्ञप्ती मार्फत माग गरिएको छ ।
उहाँको रिहाई नभए कडा संघर्षको कार्यक्रम ल्याउन बाध्य हुने पनि चेतावनी दिनईएको छ ।
