गौर, चैत २१ ।
रौतहटबाट विद्युत चोरी गरेर उपभोग गरेको आरोपमा एकजना सरकारी कर्मचारी सहित १० जना पक्राउ परेका छन् ।
बिजुली चोरी गरेको आरोपमा जिल्ला वन कार्यालय रौतहटका एक वनपाले सहित फरक स्थानबाट दश जना पक्राउ परेका छन् ।
जिल्ला वन कार्यालय रौतहटको सिम्री ईलाका वन कार्यालय रौतहटको आवासमा विद्युत चोरी गरेको आरोपमा नेपाल विद्युत प्राधिकरण चन्द्रनिगाहपुर शाखाले वनपाले पुर्ण बहादुर माझीलाई पक्राउ गरेका छ । सो कार्यालयका प्रमुख फरेष्टर विमलप्रसाद चौधरी भने फरार छन् ।
पक्राउ पर्ने अन्य गुजरा नगरपालिकाका बासिन्दा छन् । उनीहरु सबै ईलाका प्रहरी कार्यालय चन्द्रनिगाहपुरको हिरासतमा छन ।
पक्राउपर्नेहरुमा रङ्गपुरका दिपक चौधरी, रञ्जन चौधरी, मनहर्वाका हरेन्द्र चौधरी भवानीपुरका महेश राम, ्जुगौलीयाका दिपेन्द्र प्रसाद साह, मेढाका दशरथ चौधरी लगायत छन् ।
