१८ चैत्र,रोल्पा ।

रोल्पाको थबाङमा नेपाल कम्युनिस्ट पार्टीले तेस्रो जनसत्ता घोषणा गर्न लागेको कार्यक्रम रोक्न लागि सुरक्षाकर्मी परिचालन गरेपनि जनसत्ता गठन गरिएको छ ।

शनिबार बिहानै नेपाल प्रहरी र सशस्त्र प्रहरीलाई थबाङमा परिचालन गरिएको हो । समानान्तर सरकार घोषणा गर्न नदिने राज्यको नीतिअनुसार प्रहरी परिचालन गरिए पनि नेकपाले थबाङमा जनसत्ता घोषणा गरिएको रोल्पा जिल्लाका निमित्त प्रमुख जिल्ला अधिकारी चुडामणी गौतमले जानकारी दिएका छन् । नेकपाको पकड बलियो रहेको मानिने थबाङमा एकाबिहानै ठूलो संख्यामा प्रहरी परिचालन भएपछि स्थानीयहरु आतंकित भएका छन् ।

तत्कालिन माओवादी युद्धको झल्को दिने गरी बिहान उज्यालो नहुदै प्रहरीको हुल गाउँपसे पनि स्थानीयहरुको सहभागीतामा विश्वले नेतृत्व गरेको जनपरिषद, नेपाल, रोल्पा घोषणा गरिएको हाम्रा संवाददाता रोल्पाले जानकारी दिएका छन् ।