पर्वत, चैत १७ । पर्वतको सदरमुकाम कुस्माबजारमा एक अढाइ वर्षीया बालिकालाई ‘अपहरण’ गरेर भागेका एक युवकको आज दिउँसो भीरबाट लडेर मृत्यु भएको छ ।
कुश्मा–४, चाक्लेडिलनजिकै बस्दै आएकी निशा परियारकी साढे दुई वर्षीया छोरी सुहानी परियारलाई लिएर भाग्दै गरेका उनको कुस्मा नगरपालिका वडा नम्बर–४, चाक्लेडिलको भीरबाट खसेर मृत्यु भएको हो ।
मृतकको सनाखत हुन सकेको छैन ।
एक अपरिचित व्यक्तिले बालिका लैजाँदै गरेको देखेपछि स्थानीयबासिले होहल्ला गर्दा बालिका छाडेर भाग्नेक्रममा भीरबाट खसेका उृनको मृत अवस्थामा शव भेटिएको प्रहरीले जनाएको छ ।
मृतकको शव पोस्टमार्टमका लागि जिल्ला अस्पताल पर्वतमा राखिएका जिल्ला प्रहरी कार्यालय पर्वतका प्रहरी निरीक्षक दीपक थापाले जानकारी दिए ।
घटनाबारेमा थप अनुसन्धान भइरहेको जिल्ला प्रहरी कार्यालय पर्वतका प्रहरी निरीक्षक दीपक थापाले बताउनु भयो ।
