काठमाण्डौ ।
ओखलढुंगाको लिखु गाउँपालिका वडा नम्बर ४ की स्व. कृष्टिना सुनुवारले आफ्नो उपचारका लागी हस्पिटलकै बेडबाट धेरैपटक याचना गरिन । केहि सहयोगि हातहरुले उनको याचना सुनेर सहयोग पनि गरे र केहिले क्याम्पियन नै चलाएर सहयोग उठाए ।
तर अन्तत उनले ४ वर्षकै उमेरमा गत १८ फागुनमा प्राण त्यागिन । कृष्टिनाको उपचारका लागि धेरैतिर सहयोग रकम संकलन भईरहेको थियो तर यो दुखद घटनापछि त्यो सबै कार्य बन्द हुन पुग्यो ।
तर उनको सहयोगका लागी रकम संकलनमा जुटेको खुशी राईको समुहले भने विभिन्न देशबाट आएको सात लाख रकम मध्ये सात लाख परिवारलाई दिएको छ ।
जम्मा रु. सात लाख ८ हजार २३० जम्मा भएको राईले बताए ।
सो रकम कृष्टिनाकी दिदीहरू तास्ना रुपाचा र तृष्णा रुपाचाको नाममा राष्ट्रिय बाणिज्य बैंक, खाता नम्बर ११४०००००९३०५ मा रु. तीन लाख ५४ हजार एक सय १५ जम्मा र ११४०००००९४०५ मा पनि रु. तीन लाख ५४ हजार एक सय १५ जम्मा गरिदिएको उनले बताए ।
उनका अनुसार चित्रा नेम्बाङ युके देब भट्टराई दृुबईबाट रु. तीन लाख २७ हजार ३१०, यशोदा राई अमेरिका रु. ६३ हजार ७२१, शान्ती गुरुङ सिंगापुर रु. २९ हजार ६५२, सन्चमान राई भुटनीज समाज पेन्सिल्वेनिया अमेरिका रु. दुई लाख दुई हजार ६८०, युएस गुरुङ अमेरिका रु. ३२ हजार २४४ र नेपाल, कतार, बहराई लगायतका देशबाट उठेको रु. ५२ हजार ७२३ संकलन भएको थियो ।
