१६ चैत, काठमाडौं । लिफ्ट दिने बहानामा पर्वतको छमर्केमा मेला भर्न गएकी १६ वर्षीया किशोरीमाथि सामूहिक बलात्कार भएकाे छ ।
लिफ्ट दिने भन्दै होटलमा पुर्याएको र मदिरा पिलाएर बलात्कार गरेको प्रहरीको अनुसन्धानले देखाएको छ । किशोरीले भागेर प्रहरीलाई खबर गरेपछि घटनामा संलग्न ३ जना पक्राउ परेका छन् ।
पक्राउ पर्नेमा कुश्मा-१, सहस्रधाराका २३ वर्षीय शिशिर क्षेत्री, कुश्मा-५, वडागाउका १७ का सौगात शर्मा पौडेल र कुश्मा-५ कै मेलमिलाप चोकका सुजल श्रेष्ठ छन् ।
बलात्कारको घटनाबारे खबर नगरेको आरोपमा होटल सञ्चालक वाग्लुङ-१२, वलेवा अमलाचौरका ३८ वर्षीय शेरबहादुर हमाललाई प्रहरीले नियन्त्रणमा लिएको छ ।
बिहीबार राति पीडित युवतीसँगै उनका साथी बाग्लुङ मेलामा सहभागी भएर पर्वत फर्किन गाडी कुरिरहेकाे बेला दुई वटा मोटरसाइकल अाएका युवाले लिफ्ट दिन्छौं भन्दै नगरपालिका-४, छमर्केमा ‘न्यू सेवा गेष्ट हाउसमा लगेर अर्काे साथीलाइ समेत बाेलाइ बलात्कार गरेकाे अनुसन्धानबाट खुलेकाे घटनाको अनुसन्धानमा संलग्न प्रहरी निरीक्षक दिपक थापाले बताउनु भयाे ।
