काठमाडौं, चैत १० । सडकमा जताततै पार्किङ गर्ने , लेन नियम पालना नगर्ने , गलत साईडबाट ओभरटेक गर्ने लगायतका समस्याले सडक यात्रुलाई समस्या परेका छन् । यस्तै कारण सवारी दुर्घटना पनि बढ्दै गएको । पछिल्लो आर्थिक बर्षमा १ सय २७ जनाको मृत्यु भईसकेको छ ।
महानगरीय ट्राफिक महाशाखाले सवारी नियम उलंघन गर्ने सवारी चालकलाई कडाइका साथ कारवाही गर्ने गरेको दावी गर्दछ । तर, सडकमा अनुगमन गर्दा भने त्यस्तो देखिँदैन ।
महानगरीय ट्राफिक महाशाखाका सहायक प्रवक्ता मुकुन्द मरासिनीले प्रहरीले देखेसम्म र सुचना पाएसम्म कारवाही गरिरहेको बताए ।
अहिले मुलुकको मुख्य प्रशासनिक केन्द्र सिंहदरवार आसपास नै सडकमा हिड्न समस्या हुनेगरेको सडक यात्रु बताउछन् । अनामनगर छेउमा सधै अब्यवस्थित पार्किङ गरेको देख्नि सकिन्छ । जसका कारण सहज हिडडुल गर्ने अवस्था छैन ।
भिडियो ईमेज खबरबाट साभार
