१० चैत्र,काठमाडौं ।
नेपाल कम्युनिस्ट पार्टी निकट अखिल (क्रान्तिकारी)को दोस्रो पूर्ण बैठकले पदाधिकारी चयन गरेको छ ।
हालै काठमाण्डौमा सम्पन्न संगठनको पूर्ण बैठकले पदाधिकारीको टुंगो लगाएको हो । गत फागुन ३० गते दाङमा सम्पन्न २१ औं राष्ट्रिय सम्मेलनले अध्यक्षमा चिरञ्जिवी ढकाललाई निर्वाचत गरेको थियो भने अन्य पदाधिकारीको टुंगो लागेको थिएन ।
बैठकले संगठनको महासचिवमा प्रवल शाही , उपाध्यक्षमा रुद्र भट्टराई, सचिवमा सन्तोषी भट्टराई र कोषाध्यक्षमा नरेन्द्र बिकलाई चयन गरेको छ ।
अखिल ( क्रान्तिकारी)को महासचिवको जिम्मेवारी पाएका शाही र चन्द्र बुढाले सर्वोच्च अदालतभित्र तत्कालिन अख्तियार प्रमुख लोकमानसिंह कार्कीमाथि कालोमोसो दलेका थिए ।
गत वर्षको पुस ७ गते भ्रष्टाचार गरेको भन्दै अखिल क्रान्तिकारीको नेतृत्वमा कार्कीमाथि कालोमोसो दलेको थियो । बुढा हाल नेकपाका रुकुम सेक्रेटरी छन् ।
