काठमाडौ, चैत्र १ ।
आज विश्व उपभोक्ता दिवस नेपालमा पनि विभिन्न कार्यक्रमको आयोजना गरि मनाइदै छ । यो दिवस हरेक वर्षको मार्च १५ तारिखका दिन मनाइने गरिन्छ ।
सन् १९६२ मार्च १५ मा अमेरिकी राष्ट्रपति जोन अफ केनेडीले सुरक्षा, सूचना, छनौट र सुनुवाई लाई उपभोक्ताका चार अधिकारमा रूपमा घोषणा गर्नुभएको सम्झनामा यो दिवस मनाइने गरिएको हो ।
पछि सन् १९८५ मा संयुक्त राष्ट्र सङ्घको साधारणसभाबाट पनि केही बुँदा थपी आठ अधिकारको अनुबन्ध पारित गरिएको थियो ।
दिवसका अवसरमा उपभोक्ता अधिकारका क्षेत्रमा काम गर्ने विभिन्न सरकारी तथा गैरसरकारी सङ्घ संस्थाहरूले आज गोष्ठी, अन्तरक्रिया तथा जनचेतनामूलक कार्यक्रमहरुको आयोजना गरेका छन् ।
उपभोक्ता हित संरक्षण मञ्चले पनि आज राजधानीका विशेष कार्यक्रमको आयोजना गरेको छ । विभिन्न संघ सस्थाले पानी, खाद्य स्वच्छता र उपभोक्ता अधिकार विषयमा कार्यक्रम गर्दैछन् ।
