ओखलढुङ्गा, फागुन ३० ।
ओखलढुङ्गाको सिद्दिचरण नगरपालिकामा आज बिहान बोलेरो जीप दुर्घटना हुँदा एक जनाको मृत्यु भएको छ ।

को २ च १३४९ नम्बरको जीप सडकबाट तल खस्दा जीपका चालक सिद्धिचरण नगरपालिका–१ तलुवा बस्ने २१ वर्षीय शिवकुमार श्रेष्ठको घटनास्थलमै मृत्यु भएको प्रहरीले जनाएको छ ।

दुर्घटनामा सह–चालक मानेभञ्जयाङ गाउँपालिका–७ टोक्सेलका १९ वर्षीय अर्जुन गौतम गम्भीर घाइते भएका छन् । प्रहरीका अनुसार घाइतेको मिशन अस्पतालमा उपचार भईरहेको छ ।

ओखलढुङ्गाबाट बोइलर कुखुरा लिएर सोलुखुम्बुतर्फ जादै गरेको जीप आज विहान करिब साढे ३ बजे सिद्दिचरण नगरपालिका–११ स्थित सोलु–ओखलढुङ्गा सडकखण्डमा सय मिटर तल खसेर दुर्घटना भएको हो ।

पश्चिमी वायुका प्रभावले केही स्थानमा वर्षा र हिमपातको सम्भावना

पश्चिमी वायुको आंशिक प्रभाव, हिमाली क्षेत्रमा वर्षा र हिमपातको सम्भावना

गोरखाको धार्चेमा भीषण सुक्खा पहिरो: बुढीगण्डकी नदी किनारको बाटो अवरुद्ध

बन्दीपुरमा ६७ फिट अग्लो राष्ट्रिय झण्डासहितको पार्क निर्माण हुँदै

‘हिमाली उत्थानशीलताका लागि अनुदानमा आधारित जलवायु वित्त र स्थानीय नेतृत्व आवश्यक’

भीमफेदी दुर्घटना छानबिन गर्न समिति गठन