२८ फागुन,काठमाडौं । अनेरास्ववियु (क्रान्तिकारी) का महासचिव दिपेन्द्र चलाउने रिहा भएका छन् । संगठनको राष्ट्रिय सम्मेलनको तयारीकै बेला चलाउनेलाई प्रहरीले गिरफ्तार गरेको थियो ।
नेपाल कम्युनिस्ट पार्टी निकट अखिल क्रान्तिकारीका महासचिव चलाउनेमाथि सार्वजनिक मुद्दा लगाइएको थियो । सर्वोच्च अदालतको अादेशमा प्रहरीले उनलाई १७ दिनपछि सोमबार रिहा गरेको हो ।
संगठनको २१ औ राष्ट्रिय सम्मेलन दाङमा जारी छ । अाइतबारदेखि सुरु भएको सम्मेलनको अाजबाट बन्दसत्र सुरु भएको छ ।
भावी अध्यक्षको रुपमा हेरिएका महासचिव चलाउने रिहा भएलगत्तै सम्मेलनस्थल दाङतिर लागेका छन् । यात्रमा रहेका महासचिव चलाउनले अाफू राती नै दाङ पुग्ने र भोलि विहानबाट सुरु हुने बन्दसत्रमा सहभागी हुने जानकारी दिएका छन् ।
उता जारी सम्मेलनको बन्दसत्र सुरु भएको छ । विहान १० बाट सुरु भएको बन्दसत्रले विधान र प्रतिवेदनको अध्ययनको लागि १० वटा समूह विभाजन गरेको छ ।
नेकपा एमालेका अध्यक्ष केपी शर्मा ओली प्रधानमन्त्री भएलगत्तै जनयुद्धकालिन प्रहरी ब्यूत्याएर नेकपाका नेता कार्यकर्तामाथि धरपकड र गिरफ्तारी बढाएका थिए ।
