नेपाल कम्युनिष्ट पार्टी निकट अनेम संघ क्रान्तिकारी कोशी व्युरो समन्वय समितिको आयोजनामा १०८ औं अन्तर्राष्ट्रिय श्रमिक महिला दिवसको कार्यक्रम सुनसरीको इटहरीमा सम्पन्न भएको छ ।
सयौं महिलाहरूको सहभागीतामा र्याली सहित इटहरीको मुख्य चोक परिक्रमा गरि सभामा परिणत भएको कार्यक्रमलाई संगठनको केन्द्रीय सचिवालय सदस्य तथा कार्यक्रमको प्रमुख अतिथी मनु अछामीले सम्बोधन गर्नु भयो ।
अछामीले ८ मार्च अर्थात अन्तर्राष्ट्रिय श्रमिक महिला दिवसको ऐतिहासिकताको बारेमा चर्चा गर्दै नेपालको सन्दर्भमा यतिबेला यो दिवसलाई महिला मुक्तिका लागि संघर्षको रूपमा आत्मसात गर्नु पर्नेमा जोड दिनु भयो ।
साथै नेपाल कम्युनिस्ट पार्टी माथी यो सरकारले सुरु गरेको दमन बन्द गर्न अपिल गर्दै घोर भत्सर्ना गर्नु भयो । दमनबाट प्रतिरोध संघर्ष निम्त्याउने र प्रतिरोधले क्रान्ती जन्माउने चेतावनी दिनु भयो ।
कार्यक्रमलाई केन्द्रिय सदस्य खड्गा राईले संचालन गर्नु हुँदै वैज्ञानिक समाजवाद अबको हाम्रो बाटो भएको कुरा राख्नु भयो । कार्यक्रम संगठनकि सदस्य सुनिता राईको स्वागत मन्तव्य सहित केन्द्रीय सदस्य तथा मोरङ अध्यक्ष जमुना भण्डारीको अधक्षतामा सम्पन्न भयो ।
